نشيد ثوره دى و لا انقلاب عبارات الشاعر المبدع مصطفي الصاوى لروح الشهيد محمد بيومي _
ثوره دي و لا انقلاب ؟؟؟
لما تلغي لانتخاب …. لما تقتل الشباب
لما تفتح السجون …. لما يرجع العذاب
لما تقتل السجود …. لما تنزع الحجاب
ثوره دي و لا انقلاب ؟؟؟ انقلاب انقلاب
لما تضرب بالرصاص … لما تحرمنا القصاص
لما تخـنـقـنـي بـغـاز …. لـما تحـرقـني بـجـاز
لما مستقبل بلادي ….. للنظام بقي ملك خاص
ثوره دي و لا انقلاب ؟؟؟ انقلاب انقلاب
لما تحرس اللي خان …. لما تسجن الي صان
لـمـا تـقـطـع اللـسان …. لـمـا يتهـدد مـيـدان
لما يوعظنا الشيطان …. لـمـا تـمـنـع الاذان
ثوره دي و لا انقلاب ؟؟؟ انقلاب انقلاب
لما تيجي طيارات … ترمي حبه منشورات
ترمي لمؤيد جوايز …والمعارض تهديدات
لية بتفرق المعامله .. و العداله في ممات
ثوره دي و لا انقلاب ؟؟؟ انقلاب انقلاب
لو تلبسنا لجام …… او تموت الكلام
لو تهاجم لاعتصام …. او تكسر العظام
لما تحبس الكرام …. و النهار يبقي ظلام
ثوره دي و لا انقلاب ؟؟؟ انقلاب انقلاب
–
لما تقفل الشاشات …. لما تعمل شائعات
لما تقتل السنوسي … اللىصور الممات
لما ترجع الطواري ….. لما تقتل البنات
ثوره دي و لا انقلاب ؟؟؟ انقلاب انقلاب
لما سيسي الي خاننا …. بيوجهنا بالسلاح
لما اعلامنا يحاربنا …. لما نسمع النباح
لما بلطجي بلدنا …. للمساجد استباح
ثوره دي و لا انقلاب ؟؟؟ انقلاب انقلاب
لما تمدح اسرائيل في اللي بعنا و اللي خنا
لما تسجن الرئيس لـما تـلغـي برلـمانـا
لما للصندوق بترفض ..لية نزلنا و انتخابنا
ثوره دي و لا انقلاب ؟؟؟ انقلاب انقلاب